V EDICIÓN FINDECURTA




Non podía faltar! o maratón audiovisual Findecurta desenvolverá a súa quinta edición durante a fin de semana do 26 ao 29 de xuño . O dano causado polos nosos pequenos inimigos, obrigou aos seus organizadores (a Oficina de Cultura do campus de Lugo da USC ao abeiro do convenio Lugo Cultural) e sobre todo ao seu director Bruno Máez, a buscar solucións imaxinativas para que todo aquel que queira poida sacar ao interior o creador audiovisual.

Finalmente, apoiados na tecnoloxía que tanto nos acompaña hoxe, levarán a cabo a V edición do festival, na que o encontro de lanzamento onde nunca faltan sorpresas e retos de última hora, estará en directo en liña. Pero a esencia de Fin de Curta segue intacta, a súa creatividade non se pode limitar e a súa paixón polo cine non se pode extinguir.

 
o famoso bombo do FindeCurta...este ano terá que ser virtual?

Como formar parte do Findecurta?

Tan só tes que inscribirte entre o 16 e o 25 de xuño escribindo un correo a CULTURA.LUGO@USC.ES  Unha vez feita a inscrición seguir os pasos de FINDECURTA, consultando as bases en la web www.lugocultural.gal

Sesión informativa a través da plataforma Zoom o 26 de xuño ás 20:30. Do 26 de xuño ás 21:00 h ao 29 de xuño ás 10:30 h. tempo oficial de realización da curta. antes das 10:30 do 29 de xuño na dirección de correo CULTURA.LUGO@USC.ES

Os premiados da IV Edición.

Non te preocupes se estás só ou só, podes rexistrar co teu grupo, pero tamén de xeito individual e a organización atopará un equipo de filmación para que disfrutes facendo o que máis che gusta. Lembrade consultar as bases e facer a túa inscrición no enlace www.lugocultural.gal



Outorgaranse dous premios:

- Un primeiro premio de 500 €, que supón ademais a participación da curtametraxe na 42ª Semana de Cine de Lugo, onde competirá polo Premio do Público á Mellor Curtametraxe Galega.
- Un segundo premio (Premio do Público), que supón a participación da curtametraxe na 42ª Semana de Cine de Lugo, onde competirá polo Premio do Público á Mellor Curtametraxe Galega.

Un dos equipos de rodaxe.

Aínda non sabes o que é o Fin de Curta? Non hai mellor xeito de coñecelo que experimentalo dende dentro, aquí podes escoitar os podcasts especiais publicados sobre o festival nas edicións que tivemos a sorte de acompañar a este fantástico equipo.




Comentarios